2018年2月23日 星期五

山水有相逢

人家在看新劇時, 我卻反其道而行, 上星期看完了大台經典劇《山水有相逢》。

互聯網圖片
互聯網圖片
起初我還有點擔心, 畢竟此劇已是差不多四十年前的作品, 劇集的節奏會慢。 事實證明我的擔心是多餘的。 無疑此劇的成功在於劇本紮實, 對白精警, 當中沒有什麼金句, 即使主角的衝突場面,  也不像一些「嗌交戲」,  角色互相謾罵,  最重要是沒有把觀眾當傻瓜, 什麼都要「畫公仔畫出腸」。 我不禁問, 是現在的編劇退步了, 還是觀眾退步了。
 

不得不提的是兩位女主角的精湛演技。 她們由十多歲演至五十歲, 少女時代的天真、中年時那份滄桑, 她們都演得甚有層次。 坦白說, 梅劍仙的角色並不討好, 她的心機較梅妹重,  懂得使小計爭取自己所想的, 她當紅時那份煩囂張, 到了後來事業、愛情均不如意, 生活潦倒, 是較難得到觀眾的同情。 儘管如此, 黃韻詩的演出實在是精彩。 我印象中的她就是浮誇、言詞尖酸刻薄。 她在劇中的表現沒有了以往的誇張。 其中一幕男主角到片場問她要錢, 還說是用來請同事吃飯, 其實是想拿錢去賭。 她由起初跟好姊妹有說有笑、一般大笑姑婆模樣, 到聽了男主角的謊話後, 憤怒得拿剪刀去插他, 雖然只是短短幾分鐘的戲, 她也掌握得很準確, 我在看時也感受到那份心痛。
 

同樣是描寫女人的宿怨,  《Feud: Bette and Joan》也是值得一看的佳作。 焦點不在於男女私情,  而是荷里活夢工場的殘酷。 無論她們是如何專業, 以前如何風光, 拿過了多少獎項, 年紀大了, 就得靠邊站, 相反男演員仍有當主角的份兒 (現在也是如此)。  片集中的 Joan Crawfoard 大半生在電影圈, 死後也只在奧斯卡頒獎典禮的致敬環節出現幾秒。 這就是荷里活。
 

報章報導息影女星在家中暴斃, 死去數天才給發現, 教人不禁唏噓。 

16 則留言:

  1. 你咩事咁懷舊呀
    睇咗果個疑似你契女嘅物體受刺激呀😂😂😂

    回覆刪除
    回覆
    1. 呢排愛懷舊, 之前已經聽番啲舊歌

      刪除
  2. 依家啲觀眾係咪對電視劇的劇本要求低咗?
    HK我諗無乜人入電視台(大台)做編劇了吧.....
    黃韻詩做執到寶和黑玫瑰也是一絕,後無來者!!!

    回覆刪除
    回覆
    1. 定係已經無要求呢?
      黃韻詩真係一位好演員, 不過好似一早被定型, 專做巴辣女人咁啦

      刪除
  3. 這是我摯愛的電視劇之一
    另外2套係甘國亮的執到寶及無雙譜

    回覆刪除
    回覆
    1. 呢兩套都好睇
      腰斬個部我一啲印象都無

      刪除
  4. 突然煲N年前嘅劇?冇乜其他嘢好睇咩?

    回覆刪除
    回覆
    1. 突然見到有, 即睇, 就係咁簡單 ^^

      刪除
  5. 我鍾意黃韻詩,所以就算執到寶唔係我杯茶,我都翻睇,就係鍾意睇阿惡家嫂,尤其鬼上身對住差人唱粵曲嗰幕,真係睇極都唔厭。

    回覆刪除
    回覆
    1. 呢套我睇左頭兩集, 個時 walkman, 公司仲有人送文件, 唔知而家係咪用哂順豐啦

      刪除
  6. 呢套劇好好睇,兩個女主角都做得好。

    回覆刪除
    回覆
    1. 佢地都係好演員, 如果換左啲唔識做戲嘅, 套劇一定大打折扣

      刪除
  7. 不用唏噓,今天社會,就算不是名人,都會發生死了數天才被發現。可能有健康精神問題呢

    回覆刪除
    回覆
    1. 佢地都叫風光過, 估唔到晚年會咁呢

      刪除
  8. 無法新電視連續劇真係有㸃不碪,舊的仲好睇!現香港收視最高時段是半夜播返十幾二十年幾年前的劇集時段。山水有相逢我都有睇過,好好笑!

    回覆刪除
    回覆
    1. 我好耐無睇過香港近期嘅劇集, 就算係人地話好睇嘅大陸宮廷劇, 我都無睇過, 可能真係唔合我口味
      山水有相逢百分百經典劇, 而家應該拍唔番啦

      刪除